Lompat ke konten Lompat ke sidebar Lompat ke footer

Lirik Lagu Nias Lama dan Terbaru


 

Lirik Lagu Nias Populer

Sedang mecari lagu Nias untuk bernyanyi? Dapatkan lirik lagu kesayangan anda dari kumpulan lirik berikut:


Lirik yang terdapat di halaman ini adalah lirik lagu Nias yang dapat dinyanyikan dalam pesta nikah, acara rumah tangga atau karaoke di rumah untuk menghibur diri sendiri. Juga, terdapat beberapa lirik lagu Nias populer yang dapat dinyanyikan dalam situasi duka; berkabung. 

1. Fa'omasigu Nakhi Tebai Nisu'a

Fa'omasigu nakhi tebai nisu'a (Bosi Hada)

Fa'omasigu nakhi tebai nisu'a

Mudöfaini ia ha wa'anau lala

Me haya'ugö khögu ba gera-era

Tötönafö dödögu si tebai taya


U'andrö khöu enaö lö famatimba

Na möido ba nomo khöra amada

Uröi laeduru tandra wa lö tewua

Samöbö fa’omasida si darua


Ya'e waomuso dödö me öŵaö wa matunö

Lö fatimba khöu ndrao he lö halöŵö

He na ebua mböwö bosi hada zatuamö

Uŵaö uoö he na lo khögu firö


2. Fa'omasigu Lö Fa'awuwu

Fa'omasigu lö fa'awuwu

Da utunö khöu ngarö dödögu

Fa'omasigu lö fa'awuwu

Me ha ya'ugö dötönafögu

Tuho dödögu salua ba wangifigu

                         

No uŵaö no utunö me mböröta

Wa ya'o numana lö satua

Duhu  no uŵaö tödöu falö faniasa

Na no a'ozu gohitö dödöda


Fehedeu nakhi no ube ba dödö

Wa lö fatimba khöu ndrao me lö halöŵö

Fa'anumana tosasa ba tataögö

Darua ita tabu'a wo'ömö


Hada'ö zi tobali taha-taha

Me iŵaö tödö möi famatua

Ebua mböwö i'andrö amada

Börö mbosi hada si lö taya


3. Akhi Omasi'ö

Akhi Omasi'ö

Afökhö sa na u'angeraigö 

Wefao-faoda ba zilalö 

Lö u'ila ha wa tola simanö 

Zalua khöda akhigu 


Lö na'i ara me no alua fao ita 

Fa'afökhö zalua ba zi hasamuza 

Ölau mofanö öröi guli danö 

Öröi furi fefu ni'omasi’ö akhigu 


Akhi...akhi omasi'ö 

Ha wa öröido ölau mofanö 

No öbe'e ba zafatö dödö 

Me lö si tola möi fangalimö 


Awaitö wondrara dödö 

Bua wa'omasi niröimö 

Ufaeri u'ebua urorogö 

Si tobali fanörö tödö 


4. Afökhö Si'ai Wolaumö

Afökhö Si'ai Wolaumö

No u'osambalö'ö ba dödö

Bu'usa li gu khöu lö tebulö

Lö simöi börö wangefa'ö

He ilau teu, angi si sagötö tanö


Ube'e furigu zi siwa ngawalö

Awö wehede niha samatimbagö

Lö tödö wangalui tanö bö'ö

Me ha ya'ugö khamötö tuho dödö


Hadia zala si no ufaluagö

Si sambua li lö khöu famatunö

Mowöi daŵa hörö me tehöngö

Tefalua walöŵamö maökhö


Alai dödögu wa'afökhö

Öröi ba mbotogu zokolingö

Uwai ya'ia manö niŵa'ömö

Sambalö khöu ndra'o lö mamalö


La'ua nakhi ube'e saohagölö

Me angetulamö wara ha uŵa'ö

Awai ya'i böi ötunö-tunö

Fefu wa'omasida si no numalö


5. Busi-Busi Dödö

Busi-Busi Dödö. Cipt. Havino S. Duha

Busi-busi dödögu nakhi

Zi no taŵa'ö no tazazi

Tenga, tenga lö ba dödögu nakhi

Na lö alua wa wu'usa li


A'oi mbaŵa aefa zi döfi

Hulö urörö'ö ba wangifi

Aitö mbanua na ba zi bongi

Simanö dödögu wa ogömi


O'ö...o'ö li ndra amada nakhi

Me no latehe zame'e li

La'ua... la'ua saohagölögu nakhi

Zi no ufalua fa'omasi


Ya'e hulu sonoro hadia wönu

Na duhu öbe'e salagu

Ya'e dödögu gofu hadia ululu

Na duhu ö'andrö nosogu


Ba dödögu so göi gawökhu

Awai'i tebai u'ohe fönu

Ube'e fondrara dödögu

Me tenga nahia tenga tönu


6. Na u'ofanöi fangera-ngeragu (Asöndru)

Asöndru

Na u'ofanöi fangera-ngeragu

Wa'akao si no ötaögö nagu

Me siŵa waŵa ya'odo ba dalu

He agafökhö lö öfatou


Ba me no tumbu öhaogö wamaenu

Heza möi ölu'i ba hulu

He wa'ae mofökhö ba lö ölulu

Na me'e khöu nono sawuyu


Hiza me no ebua ndrao nagu

Amuatagu oya zi lö faudu

Oi lö u'o'ö fönumö ba khögu

Fatobali sökhi wozugu


Ha ube sulö waomasiu nagu

Ha waerege dödöu khögu

Angandröwagu ba böi ohe fönu

Ufuli maniasa asöndru


7. Baloi Khigu

Baloi Khigu

Balöi khigu taha ua dödöu

Fefu zi no tabu'u tenga lö ba dödögu

Wa lö alio a'ozu so zi möi taha-tahagu


U'andrö khöu böi lau'ö ba mbö’ö

Aro'ö dödöu khögu böi fodombua dödömö

Na so atö ginötö ba talau mongambatö


Faduhusi tödöu akhigu fefu zi no uwa'ö khöu

Tenga ha salua ba mbewegu no soroi ba dödögu sindruhu-ndruhu

Ha ya'ugö zi no ufili ba wa'aurigu


8. Elefu

ELEFU Cipt. Hikayat Manaö

(Ha Sageu zomasi ndra'o..ha elefu..)

Moroi ndrao baene ba daŵa sawolo udoro duwa

Ba me ha utuwa mbörö nidanö sabakha ho ama

Oi dumögö danö so laza tanö humundra

Humeu danö salaŵa kara


Mbalazi nia wa'oya zondra'u salau ba ndriala ina

Siakhi nia nono kuri kowo si mae aföni mbutu-butu

Te'ehuani göi khö gutu ndru'u irugi ba gulu'ulu

Sia'a nia hinatua sofundru soŵaha sotete huna-huna

Ha sageu zomasi ndrao ha elefu


He oya zondra'u ina ba ndrialagu ama

Ho...ha sageu ia ina zomasi-masi ndrao

Ya'ia gelefu


(Fabö'ö-bö'ö watuwasa ho iwa, hae ya'ia hö

Me oya ae zaliŵa-liŵa ba danö, hae ya'ia hö)


So zi so ba danö, ba nidanö, barö danö

He sihombo-hombo laŵa ba mbanua

Fefu ni'ila-ila matamö


Simae buru katömbi toda baleda oita kacöra

Boroe tala-tala lawoha sikhö saukhu sanana-nana

Belu sökha mao danö sigölu nawalö gutu ndru'u ba gatua

Haiya manö zaliŵa-liŵa sihombo ba sanana-nana

Ölö göi na sitaka-taka haiya manö nösi gulidanö


He oya zondra'u ina ba ndrialagu ama

Ho.. ha sageu ia ina zomasi-masi ndrao

Ya'ia gelefu


9. Kawa-Kawa

Kawa-Kawa

Me talu mbongi tokea ndra'o uwai no so’ ö he akhi

Afatö dödö me uila ha ba wangifi we'asomö

Ulau mangandrö enaö lö hadia ia zalua khöu


He gawa-kawa ötutunö gabula dödögu

He towi-towi turiaigö asöndru dödögu

Utötöna he haturiau atö

Möi fondrara dödögu


10. Saohagölö wefaoda ba zi no numalö (Fabalisa)

Saohagölö wefaoda ba zi no numalö (Fabalisa)

Ha ba dödö zi lö afökhö ba zi lö mudöna-dönö

Me lö ba dödöu fa'omasi öroi ndrao lö fangona

Sauli sa itörö tödögu bu'u liu sa ba zi lalö

He alio ara öbaloi ndrao ni'omasiögu


Me'e khögu fao taŵa hörö götö wabalisada

Ba ubaso föfö zuramö ni be’eu sa ba zilalö

Me öŵaö khögu öfatunö lö ba dödöu niha bö'ö

No olifu’ö liu si no numalö he tuho dödö


Awaitö sa niŵaögu khömö akhigu he no fabali

Ölau mofanö ya faoma tabe'e

Sa saohagölö wefaoda ba zi no numalö

Awaitö sa niŵaögu khömö akhigu he no fabali

Ölau mofanö ya faoma tabe'e

Sa saohagölö wefaoda ba zi no numalö


11. Gowirio

Gowirio

Gowirio u'a baya si fao bulu balazo si lö aetu

Si tebai taya tebai u'olifu sagötö fa'aurigu si möi ösi dalu

So urino götö ba ututu ena'ö tola möi ombuyu

Itaria manö ubogö ba u'a si fao mbania sawuyu


So dahö-dahö sawena urongo khö nawögu iraono

Hana wa so na ginötö wamasi so göi ginötö lofo alai ndra'o

Imane tödögu he si manga fakhe he si manga gowirio

No fabö'ö ha raso wa'ami ba no fagölö wa'abuso


Itaria ulau asönö börö wa'asese manö

Hulö falemba tebai utölö

Alai me lö lala bö'ö utölö si fao idanö

U'ezosi dödö böi afökhö la'ua manö


Alai me lumana ama alai me tosasa ina

Ha gowirio rau-rau mbawa

Alai me lumana ama alai me tosasa ina

Ha gowirio rau-rau danga


12. Ha Ube Fondrara Dödö - Monalisa

Ha Ube Fondrara Dödö

Hulö nihökha-hökha bakha dödögu

Na itörö tödögu zi no numalö

No fondrege wa'afökhö

Haökhö möi ndra'o utunö

Me öröi manö ndra'o tuho dödö


Tebai taya so ba duduma hörögu

Nahiada wemöi manörö-nörö

Muara Indah Laowö Maru

Pulau Bawa Hulo Asu

Da'ö zitöbali fanörö tödö


Hatö lumö-lumöu zi so ba duduma hörö

Na botou no aröu ba zingagu he tuho dödö

Hadia ube fondrara dödö

Haökhö usofu me lö ya'ugö


13. Ha Ya'ugö Nakhi - Frans J. Bulu'aro

Lirik Lagu Nias Ha Ya'ugö Nakhi

Ba zi no utörö, ba wangalui gohitö dödögu
Enaö so nawögu ba wa'aurigu...si tobali tuho dödögu
Ba mefaluka ita, ba ginötö me baŵa si siŵa

Me fao dödö faoma so khöda wa'edöna...ba böi sa'ae fabali
Me utönö sindruhu nö si dödögu

Wa ha ya'ugö si zo ba dödögu
Ha ya'ugö nakhi zi so ba dödögu niomasi'ögu
Me ha ya'ugö nakhi zomasi dödögu ba wa'aurigu

Ha ya'ugö nakhi zi fatema khögu ba wa'omasi
Me ha ya'ugö nakhi töla nosugu
Si tobali awögu ba wa'aurigu


14. No ufabu'u ba dödögu

Lirik Lagu Nias No ufabu'u ba dödögu

No ufabu'u ba dödögu, wa lö tödögu khö niha bö'ö, he oya daha-taha si möi  famatimba, no u'osambalö'ö dödögu

He ilau teu he ilau lökhö, he ilau mbade he duru danö, lö sa'ae tödögu ba niha bö'ö, ha ya'ugö khögu tuho dödö

Faduhu sibai bakha ba dödögu, wa lö olifu'ö mbu'usa limö, 
Ya lö tebulö-bulö wa'omasimö khögu, si mane fa'omasigu khömö
Ya lö tebulö-bulö wa'omasimö khögu, si mane fa'omasigu khömö

15. Ha ya'ugö nösi-ösi dödögu

Lirik Lagu Nias Ha ya'ugö nösi-ösi dödögu

Lö udöna-döna khöu ga'a...Mofanö'ö ba zaröu öröi ndrao...Afökhö sibai ba dödö
Hulö zilö ba dödömö...Wefao-faoda silalö

Akhigu sahilu ba dödö...Böi abakha'ö ba dödömö wofanögu...Me lö taya'ö ba dödögu...Ha ya'ugö nösi dödö gu

Talau fa'ohe tanga talau fawu'u li fazazi...Na faoma harazaki falukha ita sa'atö...Böi olifu sa'ita he no aröu fabali...So ndraugö so ndraodo ba dödögu ba dödömö

Ha ya'ugö nösi-ösi dödögu...Ha ya'ugö nösi-ösi dödögu


16. Lö Manö Fa'ahono Dödö

Lirik Lagu Nias Lö manö fa'ahono dödö

Lö manö fa'ahono dödö, na lö u'ila zikhalau tuho dödö, lö manö fa'owua-wua dödö, na itaria itörö tödö akhari-khari ba dödö...

No sa'ae ufabu'u ba dödö, wa ha ya'ugo nösi-ösi dödö, he ilau teu he ilau lökhö, si tobali ba'a-ba'a ba khömö...

He ilau bade duru danö, ba lö manö uröi ndraugö, he atua mboto tanö, no sa'ae ufabu'u ba dödö, wa lö manö tödögu ba niha bö'ö...

Ha ya'ugö manö khögu tuho dödö, ha ya'ugö manö ba duduma hörö, fa'omasigu khömö lö mamalö, irugi wa'amate.


17. Fabalisa Cipt. AL. Harefa

Lirik Lagu Nias Fabalisa, vokalis: Meta Lase

Ba hiza na fabali mburu'u, ba na faröi wune hawu, fabali fa'ero hulu, faröi fabe haru-haru

Mangona fao dawa hörö, fangona soroi ba dödö, ba dödöra agafökhö, he ae lö la oroma'ö

Mofanö tenga ni odödögö, faröi tenga si fa'udu, ha me fabö'ö lala wofanö, orudu ba dödö

Manö na faröi zi fahuwu, na faröi zi sara tödö
Ba sauli itörö tödö, wefaora si no numalö

18. Fa'omasi Ninagu

Lirik Lagu Nias Fa'omasi Ninagu

Hadia ube sulö wa'omasiu nagu, hadia hadia ube'e khöu,
Fa'amarase sino ötaögö nagu, wondrorogöu ono sawuyu,

Ötaögö lö mörö he manuköu nagu, na örongo wege-egegu,
Ölu'i ösakhe heza möi'ö nagu, Öfondri öfonukha öfaenu,

Hiza me no ebua ndrao nagu, oya gamuatagu zilö faudu,
Lö u'o'ö hadia niwaömö khögu, oroisamö oi lö ba dödögu,

Irugi inötö wofanögu nagu, usaŵa nahia ni teheu khögu,
Ba angandrö-ngandrö salahigu nagu, ena'ö mofozu wongambatögu.


19. Fa'omasi si lö aetu

Lirik Lagu Nias Fa'omasi si lö aetu, Frans Buluaro

No u'irö'ö ba dödögu wa'omasi...Lö muheu lö irai mangiwa he ilau angi
He oya wehede tobali fanaisi...Sedöna mondrönia'ö furi
Iba'agö hili he i'oto asi...Tödögu khömö lö fabali

Fanörö tödö ni be'e mö khögu nakhi...Ba no sa si hulö fetuagu wemöi mukoli
Ubali'ö öli si möi moni-moni...Ba wofo sedöna manaisi
Ubali'ö laso sabe'e sibai...Ba wangalui harazaki

Reff:

Ukusi sa'ae dödögu no aro te'ai adudu...Ya'ugö si'ai utuyu zi agö ösi wa'aurigu
He döfi si tölu ribu ba lö sa fa'aföligu...Fa'omasigu lö aetu he sa mate dania mbotogu


20. Fekoli Ba Guli Danö

Lirik Lagu Nias Fekoli Ba Guli Danö, Cipt. F. Waruwu

Fekoli ba gulidanö ba oi so wa'afökhö, na lö mutörö zafökhö lö taila taŵaö,
Hili-hili baŵa danö ba no taröi manö, he sa afökhö ta tarö börö gohitö dödö,

No taila zi lumana taila zoana'a, lö amaehuta dödöra faoma so gera-era,
Ha börö hare gokhöta ba niha so ana'a, hiza ita menumana fohalöŵö lö aefa,

Hiza niha ba wa'auri lö tatu harazaki, ba so möi föna toröi furi ba sifalali-lali,
No aemadola wangifi ba tawai duhu sibai, tawai sandrohu fa'auri so khöda harazaki,

Böi halö töi esuanö we asoda ba danö, böi faoma fa'abao dödö fefu niŵaö-ŵaö,
Lö tatu mbaŵa inötö na taröi ulidanö, hatö sa nukha nifaogö sa ba dete lewatö


21. Kofe-Kofe

Lirik Lagu Nias Kofe-kofe

Ha uŵaö khöu ba öŵaö khögu ha uŵaö khöu, ba niŵaöda no he akhigu,
Me ha dödögu khöu me ö'ila ae fefu nösi-ösi dödögu, fefaoda sa sino ara uŵaö ba mböröta so wa'omasiu khögu,

Afatö-fatö ba dödögu me awena uila ba urongo khöu, so niomasiöu ono zi no molau faulu

He...Na fao-fao ita ba lala si'ero maökhö, uwai ba mböröta yaita dania si sara tödö,
Ha...Me urongo wa'omasiu ba niha bö'ö, fa'afatö-fatö zalua bakha ba dödö,
ŵara hadia ube'e khöu me lö si takile,

Hu...ha...hu...ha...

Na uila ba mböröta akhigu, lö na uŵaö khöu nösi-nösi dödögu, ha...La ma lö na ae fa'omasiu khögu,
ŵara hadia ube'e sa menaö fefu, me öila lö na'i ösi kofe-kofe


22. Kureta Satua

Lirik Lagu Nias Kureta Satua

Böi faliŵa-liŵa'ö, hono-honogö'ö manö, me lö aratö tarugi, me lö aratö takhamö,
Na öfaliŵa-liŵa'ö, ma zui abua ba gambölö, tola tobali ba alawö tolazi gahemö,

Lulu manö mbotomö kureta satua le tatörö, he wae lö hadöi si lötö abölö si'ai na manösö,
Me lö nasa göi le howutö abölö nasa na mofanö, tenga göi ni'au'ö manö me lö fökhö-fökhö,

Kureta satua le tatörö u'agö föna furi so'ö, na so hili-hili tandro manö ba naere-naere öfahatö, böi faliŵa-liŵa'ö olembaido manö

Na tarugi takhamö tola öfaliŵa'ö, böi sae honogö'ö manö faigi halöŵömö, kureta satua le tatörö abölö, moroi na mowaö-waö, he atua na ha abölö sambalö takhamö


23. Lua-Lua Mböwö Sebua

Lirik Lagu Nias Lua-Lua Mböwö Sebua, Cipt. Yunus Gea, Voc: Ella Daely



Awai asio ama ba dölö-tölö raso nidanö, mae mbo galitö wakhe fakhaitö owökhi na utölö,
i'oroi iraono no mirorogö lö mitehe mofökhö, me no ebua mi be nihalö mi be ono mbö'ö

Hatö ndra'o ama nifongambatö, hatö wa onomö, me'ö be yaŵa mbosi zalaŵa, mbosi dalifusö,
Me mifemondri mbolo newali wa'oya ndro mbawi, baero gana'a ni bu'ugöu baero mböra ba goni,

Laeduru, naya ana'a ni'anötöigö khögu ba gowasa, no no ube sumange dome salua, no ube famu'a gefe sobunga...
Me da'ö wozu lua-lua wa'omasimi khögu wamolua, me mitulogö ba lauru gana'a, me mikhoi galogo mbawi sebua...

Böi mifatahi ba khöma ama ina, na möiga baomo lö hadöi niodöra, no aröröga ba wamu'ua fo'ömö sebua.


24. Saohagölö Ina

Lirik Lagu Nias Saohagölö Ina, Cipt. Constant Giawa; Voc: Maria Zalukhu

Na itörö sa tödögu wa'amarase ndra satuagu, 
lö eluaha fefu nifaluagu na lö ya'ira fa'omasira khögu,

Hiza meno ebua ndra'o no sa la kaokö i'otarai me iraono, 
lö atage lö afökhö lataögö manö ba wondrorogö ya'o,

Saohagölöu ama...Fa'amarase si no mitaögö,
Saohagölöu ina...Lö sulö moroi khö nonou ya'o,

No sa u'ila oya zi lö faudu ba wehedegu ba gamuatagu
Lö uo'ö fefu niŵaömi me sambö tödö nonou ya'o,

Bologö dödömi...

Saohagölöu ama...Fa'amarase si no mitaögö,
Saohagölöu ina...Lö sulö moroi khö nonou ya'o,

Saohagölöu ama...Fa'amarase si no mitaögö,
Saohagölöu ina...Lö sulö moroi khö nonou ya'o,

Saohagölöu ama...Saohagölöu ina...


25. Sauli itörö tödö

Lirik Lagu Nias Sauli itörö tödö, Voc. Frans Bulu'aro

Sauli itörö tödö ndraugö he no aröu'ö ba hörö,
Ugokhöi mbörö dödö afökhö ha na mege ba zi lalö,

Wa lö ta faehagö khöda nösi dödö no faoma so wa alaŵö-laŵö,
He faondra falukha lö li famaföfö

Ara no tatalui ginötö, Falukha ita maökhö,
Faoma tatunö khöda khaumötö no faoma so wa'afökhö

He ya'o ya'ugö so zangonihagö, he na ta'a'aro'ö wamöbö
Lö tola wa'aozu gohitö dödö

Enaö na fökhö zalua mena'ö so khögu wamadöhö,
Ba gotaluada oi sala aökö, kabera ba kambölö,
Tabali'ö fanörö tödö ba böi ta'olifugö


1 komentar untuk "Lirik Lagu Nias Lama dan Terbaru"